එයාව දැනෙන්න කලින් හිතන්න.

ඔහු හෝ ඇය ගැන බලාපොරොත්තු ඇති කර ගැනීමේ පළමු පියවර ඉදිරියට ඇති වසර ගනනාවක් ඇතැම් විට ජීවිත කාලයම වෙනස් කරන ඒ තීරණාත්මක පියවර වෙන්න පුළුවන්. ඒක අනාගතයට හොඳ විදියට වෙනවා නම් ඇත්තටම ඒ මොහොත වටිනවා. හැම විටම, හැම කෙනෙක්ටම එහෙම වෙන්නෙ නෑ ඒක තමයි යථාර්ථය.

හැඟීම් සහ ආකර්ෂණය නිසා ඇති වන ක්‍රියාවලිය එක් අයෙක්ට තමයි මුලින්ම ඇති වෙන්නෙ. පසුව ඔහු හෝ ඇය කරන්නෙ තමන් ළං වෙන්න කැමති ඒ ආදල කෙනාටත් මේ දේ අඟවලා, ඔහු හෝ ඇය සමග මේ බැඳීම කියන දේ ගොඩ නගාගන්න එක. ඇතැම් විට අඩු වැඩි වශයෙන් දෙදෙනාටම එක වර මේ දේ දැනෙන අවස්ථාද තියනවා.

ඉතින්, මෙහි වැදගත්ම දේ තමයි ඇත්තටම ඔයාට කෙනෙක් ගැන කැමත්තක්, ඕන කියන හැඟීමක් දැනුනට එයාට ඒ ඔයාට දැනුන විදියට ඒ මොහොත තුළ නොදැනෙන්න පුළුවන්. හැබැයි ඔයාට ඒ හැඟීම දැනෙන මොහොතෙම ආදරය හා ආකර්ෂණය නිසා ඔහු හෝ ඇය ගැන ඇති වන අභ්‍යන්තර ක්‍රියාවලිය සුළු වශයෙන් හෝ ආරම්භ වෙනවා. ඉතින්, ඒ මොහොතෙ ඉඳන් මනස යම් ආකාරයක බලාපොරත්තුවක් තියා ගන්නවා ඒ කෙනා සත්‍ය වශයෙන්ම ළං වීම හා ඊට අදාල ඉතුරු ක්‍රියාවලීන් ආරම්භ කරමින් ඔයාගෙ ජීවිතය ඒ බැඳීමෙහි අත්දැකීම දෙන්න. මේ අවස්ථාව තුළ ඒ දැනෙන විදිය නැත්නම් මම මේ පැහැදිලි කරපු ක්‍රියාවලිය සාමාන්‍යය කතාවෙදි "Crush වෙනවා කියල හඳුන්වනවා". ඒ ඉහත කී අභ්‍යන්තර ක්‍රියාවලියේ අරම්භය නිසා.

ඊළඟ අරමුණ තමයි ඔහුට හෝ ඇයට මේ පිළිබද ඇඟවීම හා කුමන ආකාරයෙන් හෝ තමන් සතු කරගන්න පෙළබවීම. නමුත් මෙම ක්‍රියාවලිය හැම කෙනාම එකම විදියට සිද්ධ කරන්නෙ නෑ. ඒකට හේතු කිහිපයක් බලපානව.

ඇතැම් අය මේ Crush කියන මට්ටමේ හැමදාම ඉන්නවා. සරලවම හිතින් යම් කැමැත්තක් බලාපොරොත්තු ටිකක් ගොඩ නගාගෙන ඉන්න මට්ටම. ඔවුන් ප්‍රකාශ කරන්නෙ හෝ අදාල කෙනාට දැනෙන ඇඟවීමක් කරන්නෙ නෑ. ඒකට විවිධ හේතු එයාට තියෙන්න පුළුවන්. ඒ නිසා ඇතැම් විට ඔහු හෝ ඇය විසින්ම යම් කිසි උත්සාහයක් දරලා ඒ කෙනා ගැන ඇති වන හැඟීම යටපත් කරමින් තමන් ස්වයං පාලනයෙන් කටයුතු කරනවා.

ඇතැම් අය ඒ විදියට ඒ අදාල කෙනාට තමන් ආදරය බව අඟවන්නෙ නැතුවම ඔහු හෝ ඇය ගැන බලාපොරොත්තු ගොඩක් ඇති කර ගන්නවා. ඉතින් මේ අවස්ථාව ගොඩක් Serious. මොකද, මන් කිව්ව විදියට අපිට කෙනෙක් ගැන ආකර්ෂණයක්, බලපොරත්තුවක් ආව පමනින් අපිට අපව පාලනය කර ගැනීමට නොහැකිවන අන්දමේ අභ්‍යන්තර ක්‍රියාවලියක් සිද්ධ වෙන්නේ නෑ. ඒක සිද්ධ වන්නෙ සුලු වශයෙන්. නමුත් ඒ කෙනා ළඟ නැතුවම සත්‍ය බැදීමක් වගේ ඕනවට වඩා බලපොරත්තු හීන, ආසාවන් දිගු කාලීනව ගොඩ නගා ගැනීමේදී හිත මම පෙර කී ක්‍රියාවලිය Continue කරනවා. මොකද, මනසට නිති පතා ඔයා පණිවිඩ දෙනවා "දැන් හරි එයා මන් එක්ක ඉන්නවා" හා සමාන විදියට. ඉතින් ඔයාට නොදැනීම මනස අර ක්‍රියාවලිය ආරම්භ කිරීම සහ Continue කිරීම සිද්ධ කරනවා. නමුත් යථාර්ථය තුළ ඇත්තටම බැඳීමක් නෑ.

මෙවැනි අවස්ථාවක ඔයාට අධිකව උත්සාහ දැරීමට සහ හිතින් පීඩා විඳීමට සිද්ධ වෙනවා. ඒ තමන් තුළ ඇති ඒ අදාල කෙනාගෙ දැඩි අවශ්‍යතාවය නිසා. ඉතින් මේ වෙලාවෙ ඉඳන් සත්‍ය වශයෙන්ම ස්වයං පීඩනයක් හා විඳවීමක් ආරම්භ වෙනවා. අඩුම ඒ කෙනා රවල බැලුවත් ලොකු දුකක් විඳින මට්ටමට සමහරු පත් වෙනවා. හැබැයි මුල් අවස්ථාවෙදිම මේ දේ පාලනයෙන් සිද්ධ කලා නම්, මේ විදියෙ දෙයක් සිද්ධ වෙන්නෙ නෑ. ඉතින් මම මේ පැහැදිලි කරපු ක්‍රියාවලිය නැත්නම් Crush වෙනවා කියන දේ පහත විදි වලින් සිද්ධ වෙන්න පුළුවන්.