ආදරය සබඳතාවක මානසික විග්‍රහය.

ඉහත කරුණු නිසා මේ Breakup Pain එක හා සමාන දෙයක් කඩින් කඩ ආදරය කරන සියල්ලන්ම වගේ අත් විඳිනවා. ඒකට හේතුව, අපේ මනස කැමති නෑ තමන්ට එන්න ඕන හැඟීම් බෙදෙනවට. නැත්නම් නවතිනවට හෝ වෙනස් වෙනවට. ඇබ්බැහි වීම වැඩි වෙන්න වෙන්න මේක දරුණු විදියට බලපානවා. දෙයක් සිද්ධ නොවීම සමහරු Over Think කරන්නෙ ඇබ්බැහි වීමේ අධික අවස්ථාවට ආවම. ඒ කියන්නෙ, වෙන්වීමක් නොවීම ඒ කෙනා නැති වුණොත් තමන්ට මොකක් වෙයිද කියන තැනට මනස වැටිලා ඉවරයි.

ඇත්තටම, වෙනස් වෙන්න යන තමන් ආදරය කරන ඔහු හෝ ඇය නැවත තමන්ට අවශ්‍ය මාර්ගයට ආවම වේදනාව අඩු වෙලා තිබුණු මානසික පීඩනය අඩු වෙනවා. ලොකු නිදහසක්, සහනයක් දැනෙන්න පටන් ගන්නවා. මේ Circle එක නිරායාසයෙන්ම මනස තුළ ක්‍රියාත්මක වෙනවා. Toxic Relationship එකක හිටියත් හිතූ පමනින් නවත්වන්න බැරි ඒ පෙර කී ක්‍රියාවලිය නිසා.

මෙහි අවසානම අවස්ථාව තමයි ආදරය කරන කෙනා තමන්ගෙන් වෙන් වෙන බවට ස්ථීර පනිවිඩයක් මනසට ලැබීම. මෙතැන් සිට මේකට මුහුණ දෙන කෙනා සත්‍ය වේදානවක් අත් විඳින්න පටන් ගන්නවා. නමුත් තමන්‍ට සිද්ධ වෙන මේ සියලු ක්‍රියාවලීන් හා අවබෝධයෙන් කටයුතු කරන කෙනෙක්ට මේ දේ ඉක්මනින් අඩු කරගන්න පුළුවන්. ඒ කාලයක් සමඟ එවැනි වේදනාවක් නැති වෙන තරමටම.

මේ හැම දෙනාටම අන්ධ වෙලා (Blind) ඉන්න ස්වාභාවයක් පෙන්නුම් කරනවා. ඒ කියන්නෙ ඔවුන් පසු වෙන්නෙ උමතුවකින්. හරි වැරද්ද තේරුනත් ඇබ්බැහි වීම නිසා නිරායාසයෙන්ම හිතට එන සිතුවිලි මත්තෙම යනවා. සත්‍ය ආදර සබඳතාවක ඉන්න 80% කට වැඩි පිරිසක් මේ තත්වයට පත් වෙනවා. ඇතැම් අය තමන්ගෙ ජීවිතය කොපමන විනාශ වුණත් ඔහු හෝ ඇය මත්තෙම යනවා. ඇත්තටම හිත ඒකට තමන්ව පොළබවනවා. මන් කලින් කිව්ව විදියටම විෂ සහිත පුද්ගලයන් සමඟ සබඳතා පැවැත්වීමෙන් හොඳ මානසික තත්වයක් තියන ඕනම කෙනෙක් ඒ තත්වයට වැටෙන්න පුළුවන්.

ඒ අනුව බැලුවම මොන විදියේ කෙනෙක් එක්ක වුණත් හැඟීම් වලින් සම්බන්ධ වෙන්න පටන් ගන්න තැන ඉඳන්ම තියෙන්නෙ අධික වේදනා ගොන්නක දරාගැනීමක්. නමුත් මේ දේ ආරම්භයේදී ඔවුන් පසු වෙන්නෙ බොහෝ විට අධික විශ්වාසයෙන්. කිසිම වෙනස් කමක් නොවෙන ආකාරයට. ඒ වගේම අධික කුතුහලය නිසා දැකිය යුතු බොහෝ දේ අවබෝධයෙන් විනිවිද දකින්නෙ නෑ. නමුත් කල් ගතවීමත් සමඟ, දේවල් සාමන්‍යකරනය වීමත් එක්ක අනපේක්ෂිත සිදුවීම් වලට මුහුණ දෙන්න සිද්ධ වෙනවා. මිනිස්සුන්ගෙ තියන ඔවුන්වත් නොදන්න වෙනස්වීමේ ස්වාභය සහ වෙනත් සාධක මේ සඳහා හේතු වෙනවා.

මේ දේවල් කියන්නෙ ඔයාට මනසහි ක්‍රියාකාරිත්වය, අනපේක්ෂිත සිදුවීම් වෙන්න පුළුවන් විදි සහ පෙර සූදානම පිළිබඳ යම් අවබෝධයක් ලබා දෙන්න විතරයි. නැතුව ආදරය කරන්න එපා කියන්න නෙමෙයි. මොන විදියෙ කෙනෙක් එක්ක ආදරෙන් ළං වුණත් නිසි අවබෝධයෙන් මේ බැඳීම තමන්ගෙ ජීවිතය ගෙන යන මාර්ගය පිළිබඳ අවධානය තබා ගන්න. විනාශ වෙන ජිවිත රැසක් ඒ විදියට වෙනස් කරන්න පුළුවන්.

ඇතැම් අය නිවැරදි අවබෝධයක් නැතිවම විවාහ වෙනවා. විශේෂයෙන්ම තරුන පිරිස් අධිකව මේ සබඳතා නිසා පීඩා විදිනවා. ඉගෙනීමට දක්ශ අය, පැහැදිලි අනාගතයක් ඇති අය මේ Blindness එක නිසා ඒ සියල්ල නැති කරගන්න අවස්ථා බහුලයි.

ඔයාගෙ කාලය, ශ්‍රමය දුක් වෙන්න වැය නොකරන්න නිසි අවබෝධයෙන් හැගීම් සමඟ ගනුදෙනු කරන්න. නුසුදුසු බැදීමක් නිසා යම් දවසක අතීතය දෙස කඳුළු පිරනු ඇස් වලින් බලන තත්වයට පත්වෙන වැඩ නොකරන්න වග බලාගන්න. මොකද, එහෙම අය විශාල ප්‍රමානයක් දිනපතා උපදේශන වලදි මට හමුවෙනවා.

මේ සිදුවීම් ඇති වෙන්නෙ කොහොමද?, ඒවා හඳුන ගන්නෙ කොහොමද? වෙනස් වෙන කෙනෙක්ගෙ මනසෙහි හැසිරීම, බැඳීම් හා සම්බන්ධ විවිධ අවස්ඨා කළමනාකරණය කරන්නෙ කොහොමද ඇතුළු ආදර සබඳතා හා බිඳවැටීම් පිළිබඳ සියලු දේ මෙම ලිපි වලින් මම කතා කරනවා.