එයාව අත් හරින්න හිත එකඟ කර ගන්නෙ කොහොමද ?

වෙන් වීමක් (Breakup), වෙනස් වීමක් වගේ තත්වයකින් ඔයාට Recover වෙන්න අවශ්‍ය වන පළවෙනි කරුණ තමයි මේ එකඟතාවය කියන්නෙ. ඒ කියන්නෙ මේ Relationship එකෙන් තමන්ට ලැබුණු Positive සහ Negative Comparison එක. (සසඳා බැලීම) මොකද මේ වෙලාවෙ කොච්චර වැරදි මතයක ඔයා හිටියත්, හිත ඔයාට ඒකෙ හොඳ වැඩිපුර පෙන්වන්න උත්සාහ කරනවා. ඒ කෙනාගෙන් ඔයාට 99% ක්ම සිද්ධ වුණේ රිදවීම් සහ කඩාවැටීම් වුණත්, එයා Toxic Person කෙනෙක් වුණත්, ඉතුරු 1% න් හරි ඒ බැඳීමෙ තියන Advantages සහ ඔයා වැරැද්දක් කලා, ඔයා අහිමි කරගත්තා කියන දේම තමයි ඔයාගෙ හිත ඔයාට දෙන්න උත්සාහ කරන්නෙ. ඒක බොරුවක් සහ තාවකාලික මානසික තත්වයක්. මොකද ඒ ඔයාගෙන් ගියපු කෙනා මොන විදියෙ කෙනෙක් වුණත්, ඔයා එයාට ඇබ්බැහි වීම නිසා, මනස එයාව නැවත ලබාගෙන ඔයාගෙ අභ්‍යන්තර ක්‍රියාවලිය Back to Normal කරන්න තමයි මේ දේ සිද්ධ කරන්නෙ. ඒක මන් මුලින් කිව්ව විදියට මනස යොදන උපක්‍රමයක්.

මේ අවස්ථාව තුළ එයා කොච්චර වැරදි ඔයාට කළත්, කරලා තිබුනත්, ඔයාට රිදෙන ප්‍රමාණය කොච්චර වුණත්, ඔය දෙන්නා අතර නොගැළපීම් කොපමණ තිබුනත්. ඔයාට දැනෙන්නෙ මෙන්න මේ Negative දේවල්,

මේ වගේ දේවල් ම තමයි ඔයාගෙ මනසට එන්නෙ. ඒ කියන්නෙ අන්ධ මානසිකත්වය (blindness). ඒ මනසින් සිදුකරන මායාවක් වැනි බොරු දෙයක්. ඉතින් මන් කලින් කිව්ව විදියට ඔයා එකඟ වෙන්න ඕන ඔයාට ඒ කෙනා එක්ක Relationship එක තිබුණු කාල සීමාව තුළ වැඩිපුර ලැබුනෙ හොද දේවල්ද නැත්තන් රිදවීම් හෝ ජීවිතය ආපස්සට අදින දේවල්ද කියන එක සහ අවසානය සිද්ධ වුණේ කොහොමද යන වග.

හොඳට මතක තියාගන්න ඔයාට ඒ බැඳීම තිබුන කාල සීමාවෙදි,

ඉහත කිව්ව කරනු වල ප්‍රතිශතය වැඩි නම්, ඔයාට ලැබුණු හොද දේවල් ඊට වඩා අඩු නම්, මේ සියල්ල සාමාන්‍ය ජීවිතයට බලපෑම් කරන ආකාරයට දීර්ඝ කාලයක් පවතිනවා නම්, ඔයා හිටියෙ හෝ ඉන්නෙ නිසැකවම ඉවත් විය යුතු ඔයාගෙ සැනසීම සහ ජීවිතය උදෙසා බොහෝ විට අත්හැරිය යුතු බැඳීමක.

එතකොට එයා ඔයාට කරපු හොද දේවල් | හොද මතක

ඒවට මොකද කරන්නෙ ?

නීතියේදි වුණත් කෙනෙක්ව වරදකරු කරන්නෙ සාධාරණ සැකයකින් තොරව නිගමනයට එළැඹීමෙන්, ඒ සදහා ප්‍රධාන සැකකරුටත් ඔහු වෙනුවෙන් පෙනී සිටින නීතිඥවරයෙක් ඉන්නවා. ඒ සාධාරණ සැකයකින් තොරව නිගමනයකට එළැඹෙන්න අදාල තොරතුරු සපයන්න අවශ්‍ය වන නිසා. ඒ කියන්නෙ අවසන් නිගමනය සාධාරණ සැකයෙන් තොරව ලබා දෙන නිසා වරදකරු වුණත් නිවැරදිකරු වීමේ කුඩා ප්‍රතිශතයක් තියනවා.

නමුත් රටේ නීතිය හා සාමය ආරක්ෂා කරන්න, ඒ සුළු ප්‍රමාණය සැලකිල්ලට ගන්නෙ නෑ. මොකද, ඒක සිද්ධ කරන්න අපහසු කටයුත්තක්.

ඒ වගේම Breakup එකකදිත් මේ වගේම දෙයක් සලකා බලන්න සිද්ධ වෙනවා. ප්‍රතිශතයක් විදියට අපි කල්පනා කරලා අපේ සැනසීම, ජීවිතය, අනාගතය උදෙසා නිගමන වලට එළැඹෙන්න අපිට සිද්ධ වෙනවා වගේම ඒ බැඳීමෙන් ඔයාට වුණු හොඳ දේවල් තියනවා. ඔයා සතුටු වුණු අවස්ථා තියනවා. නමුත් ඔයාට අවසන් තීරණය ගන්න සිද්ධ වෙන්නෙ සම්පූර්ණ බැඳීමෙන් ඔයාගෙ ජීවිතයට සිද්ධ වුණු ධණාත්මක සහ සෘණාත්මක බලපෑම ප්‍රතිශතයක් විදියට අරගෙන. එතනදි මන් කලින් කිව්ව නීතියේ කරුණ වගේම ඔයාට ලැබුණු හොද අත්දකීම් පමණක් සළකා බලන්න බෑ. එහෙම වුණොත් කවදාවත් ඔයාට ඔයාගෙ ජීවිතය හදාගන්න ලැබෙන්නෙ නෑ.

Breakup එකෙන් පස්සෙ Call., Message සිය ගනන් දැම්මත්, නොකා නොබී නිදි මරාගෙන් ඇඬුවත් ඔයා ඉහත කිව්ව සංසන්ධනය ට පැමිනෙන තුරු මේ වේදනාවෙන් මිදෙන්න අවශ්‍ය පළමු පියවර තියන්නෙ නෑ. මාස ගනන් අවුරුදු ගනන් දුක් විඳින මිනිස්සු බිහිවන්නෙ අන්න ඒ නිසයි.

මොන තරම් වේදනාවක හිටියත්, ඒ වේදනාව නැති කරන්න පුළුවන්. ඒකට ඒ කෙනාගෙ වචනයක්වත් අවශ්‍ය වන්නෙ නෑ. අවශ්‍ය වන්නෙ හරි නිගමනය, සැලැස්ම, ආත්මශක්තිය, විශ්වාසය සහ පුහුණුව පමණයි. නිතරම ඔයාගෙ වටිනකම් තේරුම් ගන්න. හැඟීම් වලින් එනම් දැනෙන දැනීමෙන්ම නොව අවබෝධයෙන්, තර්කයෙන් නිවැරදි නිගමන වලට එළැඹෙන්න උත්සාහ කරන්න. නිසැකවම ඔයාට පුළුවන්.